വയനാട്ടിലെ മരം മുറിയെക്കുറിച്ചുള്ള വിശദമായ റിപ്പോർട്ട് കേന്ദ്രവനം പരിസ്ഥിതി വകുപ്പ് മന്ത്രി പ്രകാശ് ജാവേദ്കർ ഉടൻ തേടുമെന്ന് കേന്ദ്രമന്ത്രി വി.മുരളീധരൻ വ്യക്തമാക്കി. രാഷ്ട്രീയ-ഉദ്യോഗസ്ഥ-അറിവോടെയാണ് വ്യാപകമായ മരം മുറി നടന്നിരിക്കുന്നതെന്ന് മുരളീധരൻ കേന്ദ്രമന്ത്രിയെ ധരിപ്പിച്ചു.
മരം മുറി; ഇ.ഡി പ്രാഥമിക വിവര ശേഖരണം തുടങ്ങി
കേരളത്തിൽ നടന്ന മരം മുറിയെ സംബന്ധിച്ച് എൻഫോഴ്സ്മെന്റ് ഡയറക്ടറേറ്റ് പ്രാഥമിക വിവര ശേഖരണം തുടങ്ങി. മരം മുറിയുമായി ബന്ധപ്പെട്ട് കള്ളപ്പണം ഇടപാട് നടന്നിട്ടുണ്ടോ എന്ന് അന്വേഷിക്കുന്നതിനാണ് പ്രാഥമിക വിവര ശേഖരണം തുടങ്ങിയിട്ടുള്ളത്. വിവരങ്ങൾ വിശദമായി പരിശോധിച്ച ശേഷം മാത്രമാകും തുടർ നടപടികൾ.