ഗുജറാത്തിലെ മുന്ദ്ര തുറമുഖത്തു കഴിഞ്ഞ ദിവസം പിടികൂടിയ മയക്കു മരുന്ന് ശേഖരത്തിവുമായി ബന്ധപ്പെട്ട കള്ളപ്പണം വെളുപ്പിയ്കളിൽ എൻഫോഴ്‌സ്‌മെന്റ് ഡയറക്ടറേറ് തുടങ്ങുന്നു .അഫ്ഗാനിസ്ഥാനിലെ  കാണ്ഡഹാറിൽ നിന്ന് കള്ളക്കടത്തായി ഇറാനിലെ ബന്ദർ അബ്ബാസ് തുറമുഖത്തു എത്തിച്ച 3000  കിലോ ഹെറോയിൻ സെപ്റ്റംബർ 13 , 15   തീയതികൾക്കിടയിലാണ് അവിടെ നിന്ന് ഗുജറാത്തിലേക്കു  അയച്ചതെന്നാണ് വിവരം . പിടി കൂടിയ രേഖകൾ പ്രകാരം വിജയവാഡയിൽ രജിസ്റ്റർ ചെയ്‌തിരിക്കുന്ന ആഷി ട്രേഡിങ്ങ് കമ്പനിയുടെ  പേരിലാണ്  ചരക്കു എത്തിയിരിക്കുന്നത്. അന്തർ  ദേശീയ തലത്തിൽ തന്നെ പ്രത്യാഘാതങ്ങൾ ഉണ്ടാക്കിയേക്കാവുന്ന വൻ മയക്കുമരുന്ന് ശേഖരമാണ് പിടി കൂടിയിരിക്കുന്നത് . 

അന്താരാഷ്ട്ര മാർക്കറ്റിൽ കിലോയ്ക്ക് ഏഴു കോടി രൂപ വില മതിക്കുന്ന ഉയർന്ന ഗുണ നിലവാരമുള്ള ഹെറോയിനാണ് മുന്ദ്രയിൽ എത്തിയത് . സംഭവവുമായി ബന്ധപ്പെട്ട് ചെന്നൈ സ്വദേശികളായ   ദമ്പതിമാർ, രണ്ടു അഫ്‌ഗാൻ സ്വദേശികൾ എന്നിവർ അറസ്റിലായിട്ടുണ്ട് . വിജയവാഡയിൽ രജിസ്റ്റർ ചെയ്ത ഷെൽ കമ്പനി വഴിയാണ് മയക്കു മരുന്ന്  ഇറക്കുമതി നടന്നിട്ടുള്ളത് . സെമി പ്രോസെസ്സഡ് അഫ്‌ഗാൻ ടാൽക് എന്ന പേരിലാണ് മയക്കുമരുന്ന് ഇറക്കുമതി ചെയ്തത്. ഇന്ത്യയിൽ ഇതുവരെ പിടികൂടിയിട്ടുള്ളതിൽ വച്ച്  ഏറ്റവും വലിയ മയക്കു മരുന്ന് വേട്ടയാണിത് .  

മയക്കു മരുന്ന് ഇറക്കുമതിയ്ക്കായി   ഷെൽ കമ്പനി രൂപീകരിച്ച് നടത്തിയിട്ടുള്ള കള്ളപ്പണം വെളുപ്പിയ്ക്കലാണ്   ഇ ഡി അന്വേഷണത്തിന്റെ പരിധിയിൽ വരിക .താലിബാൻ അഫ്ഗാനിസ്ഥാനിൽ   അധികാരം പിടിച്ചതോടെ മയക്കു മരുന്ന് കടത്ത് , ഭീകരവാദം തുടങ്ങിയ  കാര്യങ്ങളിൽ വർദ്ധനവുണ്ടാകുമെന്നു വിവിധ ഏജൻസികൾ മുന്നറിയിപ്പ് നൽകിയിട്ടുണ്ട് . അഫ്ഗാൻ ടാൽക്കിന്റെ ഇറക്കുമതി 2015  ൽ അന്നത്തെ അഫ്‌ഗാൻ സർക്കാർ നിരോധിച്ചിരുന്നു . താലിബാനും ഇസ്ലാമിക് സ്റ്റേറ്റ് ഓഫ് ഖൊറാസാൻ പ്രൊവിൻസ് (ISKP ) യ്കും  പണം ലഭിയ്ക്കുന്നതിൽ ഒരു മാർഗ്ഗം ടാൽക് ആയിരുന്നു .

അഫ്‌ഗാൻ ടാൽക് 

അഫ്ഗാനിസ്ഥാനിലെ നാന്ഗർഹാർ ,കാണ്ഡഹാർ , കാബൂൾ  വാർഡാക് , ലോഗർ , കുനാർ , ഖോസ്ട് , കപിസ ,  പർവൻ പ്രവിശ്യകളിൽ ടാൽക് ഖനികളുണ്ട് . നാന്ഗർഹാറിലാണ് ഏറ്റവും വലിയ ടാൽക് ഖനി പ്രവർത്തിക്കുന്നത്. 37  ടാൽക് പ്രോസസ്സിംഗ് കമ്പനികളാണ് നനഗർഹാറിൽ പ്രവർത്തിക്കുന്നത്. നിരവധി ഉൽപ്പന്നങ്ങളിൽ അസംസ്‌കൃത വസ്തുവാണ് ടാൽക് . പേപ്പർ  നിർമ്മാണം , പ്ലാസ്റ്റിക് , പെയിന്റ്   , ഇലക്ട്രിക്ക്  കേബിൾ , മരുന്നുകൾ  , സൗന്ദര്യ വർധക  വസ്തുക്കൾ , ബേബി പൌഡർ തുടങ്ങിയ എല്ലാ ഉൽപ്പന്നങ്ങളും ടാൽക് ആവശ്യമാണ് .ഇന്ത്യ , പാക്കിസ്ഥാൻ , താജിക്കിസ്ഥാൻ , കസാഖ്സ്താൻ , ഉസ്ബെക്കിസ്ഥാൻ,  ജർമ്മനി എന്നീ രാജ്യങ്ങളാണ് പ്രധാനമായും അഫ്ഗാൻ ടാൽക് ഇറക്കുമതി ചെയ്യുന്ന രാജ്യങ്ങൾ .