തമിഴ് നടൻ രജനീകാന്തിന് ദാദാ സാഹിബ് ഫാൽക്കെ പുരസ്കാരം. അമ്പത്തിയൊന്നാമത് ദാദ സാഹേബ് ഫാൽക്കെ പുരസ്കാരമാണ് തമിഴകത്തിന്റെ പ്രിയ നടൻ രജനീകാന്തിന് ലഭിക്കുന്നത്. കേന്ദ്രമന്ത്രി പ്രകാശ് ജാവേദ്ക്കറാണ് പുരസ്കാരം പ്രഖ്യാപിച്ചത്. ഇന്ത്യൻ സിനിമയിലെ പരമോന്നത പുരസ്കാരമാണ് ദാദ സാഹേബ് ഫാൽക്കെ പുരസ്കാരം.
തമിഴ്നാട്ടിൽ നടക്കാനിരിക്കുന്ന തെരെഞ്ഞെടുപ്പുമായി പുരസ്കാരപ്രഖ്യാപനത്തിനു ബന്ധമില്ലെന്ന് പ്രകാശ് ജാവേദ്കർ അറിയിച്ചു. നേരത്തെ രജനീകാന്ത് രാഷ്ട്രീയപാർട്ടി രൂപീകരിച്ച് തെരഞ്ഞെടുപ്പ് രാഷ്ട്രീയത്തിലിറങ്ങാൻ തീരുമാനിച്ചിരുന്നു. പിന്നീട് ആ തീരുമാനത്തിൽ നിന്ന് പിന്നോക്കംപോവുകയായിരുന്നു.