Saturday, April 20, 2024 06:03 AM
Yesnews Logo
Home District

വനിതാ സംരംഭക വായ്പ ; വിമൻ ചേമ്പറും എസ് ബി ഐ യും ചേർന്ന് ശില്പശാല നടത്തി

സ്വന്തം ലേഖകന്‍ . Jan 15, 2023
wcc-women-chamber-sbi-workshop
District

ജില്ലയിലെ വനിതാ സംരംഭകർക്കായി വിമൻ ചേംബർ ഓഫ് കോമേഴ്സും സ്റ്റേറ്റ് ബാങ്ക് ഓഫ് ഇന്ത്യയും ചേർന്ന്   ശില്പശാല   നടത്തി . ജില്ലയിലെ വനിതാ സംരംഭകർക്ക്ഈടില്ലാതെ വിവിധ സംരംഭങ്ങൾ തുടങ്ങാനും നിലവിലുള്ളവ വിപുലപ്പെടുത്താനും SME ലോണുകൾ എങ്ങനെ ലഭ്യമാക്കാം അതിന്റെ നടപടിക്രമങ്ങൾ എന്നിവയെ കുറിച്ച് സ്റ്റേറ്റ് ബാങ്ക് ഓഫ് ഇന്ത്യ  പ്രതിനിധികൾ വിശദീകരിച്ചു . സ്റ്റേറ്റ്  ബാങ്ക് ഓഫ് ഇന്ത്യയുടെ റീജിയണൽ മാനേജർ ശ്രീമതി ധന്യാ  സദാനന്ദൻ മുഖ്യ പ്രഭാഷണം നടത്തി . SMEപരിപാടിയ്ക്ക് കീഴിൽ ലഭ്യമാകുന്ന വായ്പകൾ   , അതിന്റെ നടപടിക്രമങ്ങൾ  , തിരിച്ചടവ് തുടങ്ങി വായ്പാ പരിപാടികളുമായി ബന്ധപ്പെട്ട വിവിധ  വിഷയങ്ങളെക്കുറിച്ച്  ചീഫ് മാനേജർ ശ്രീ  ജി എസ്  റോഷൻ സംസാരിച്ചു . തുടർന്ന്  സംരംഭകരായ വനിതകൾ  അവരുടെ സംശയങ്ങളും  ആശങ്കകളും ബാങ്ക് അധികൃതരുമായി പങ്കുവച്ചു . സ്റ്റേറ്റ് ബാങ്ക് ഓഫ് ഇന്ത്യ കൽപ്പറ്റ ബ്രാഞ്ച് ചീഫ് മാനേജർ   എസ് ദ്യുതിലാൽ  സംരംഭകരുടെ  ചോദ്യങ്ങൾക്കു  മറുപടി നൽകി. സ്റ്റേറ്റ് ബാങ്ക് ഓഫ് ഇന്ത്യ ചീഫ് മാനേജർ കെ  രൂപേഷ് കുമാർ , സ്റ്റേറ്റ് ബാങ്ക് ഓഫ് ഇന്ത്യയുടെ  SME  കൽപ്പറ്റ ബ്രാഞ്ച്  മാനേജർ  കെ  സുനിൽ എന്നിവർ പരിപാടിയിൽ പങ്കെടുത്തു. ജില്ലയുടെ വിവിധ  ഭാഗങ്ങളിൽ നിന്നായി നിരവധി വനിതാ സംരംഭകർ  പരിപാടിയിൽ പങ്കെടുത്തു . വിമൻ ചേംബർ ഓഫ് കോമേഴ്സ്  ജനറൽ സെക്രട്ടറി ബിന്ദു മിൽട്ടൻ സ്വാഗത പ്രസംഗം നടത്തി. പ്രസിഡന്റ് അന്നാ ബെന്നി അധ്യക്ഷത വഹിച്ചു. വിമൻ ചേംബർ ഓഫ് കോമേഴ്സ് അംഗവും സംരംഭകയുമായ എം ഡി ശ്യാമള നന്ദി പ്രകാശിപ്പിച്ചു .

 

Write a comment
News Category